Həll Deyərkən Nəyi Nəzərdə Tutursunuz Tam Aydın və Bütün Açığlama ver.
bir misal çəkim, bəlkə fikrimi daha aydın izah edə bildim. tutaq ki, sən çat scripti yazıb satışa qoyursan. bu, proqramçılıqdır, amma hələ özlüyündə hansısa problemi həll etmək demək deyil. indi düşün ki, insanlar niyə çat scripti almalıdır? mövcud çatlarda nə çatışmır? hansı problemi yaşayırlar ki, indiyə qədər heç kim onu rahat həll etməyib? məsələn, bir mağaza sahibi gün ərzində instagramdan, whatsappdan yüzlərlə mesaj alır, sifarişləri qarışdırır, müştərilərə gec cavab verir və satış itirir. sən elə bir sistem qurursan ki, bütün mesajlar bir yerdə toplanır, sifarişlər qarışmır, müştəri cavabsız qalmır. bax, burada sən sadəcə çat scripti satmırsan, adamın konkret problemini həll edirsən.
məsələ burasındadır ki, proqramçı olmaq təkcə kod yazmağı bacarmaq deyil. kod alətdir. bu gün ai də kod yaza bilir, sabah daha yaxşı da yazacaq. bəs onda səni fərqləndirən nə olacaq? problemi görmək, insanları başa düşmək, nəyin lazım olduğunu müəyyənləşdirmək və işlək həll tapmaq.
uğur kodun neçə sətir olmasında, neçə skript hazırlayıb satışa qoymağında deyil. uğur insanların ehtiyac duyduğu bir şeyi yaratmaqdadır. bəzən bir neçə günlük düşüncə ilə tapılan sadə həll aylarla yazılan mürəkkəb proqramdan daha dəyərli olur.
ona görə də məsələ aznetin hansı skriptə ehtiyacı olması deyil. məsələ insanların, şirkətlərin, ümumiyyətlə həyatın hansı problemlərinin həll olunmamış qalmasıdır. bu sualı verməyə başlayanda artıq sadəcə kod yazmırsan, mühəndis kimi düşünürsən.
bəlkə də yaşınız azdır, yenisiniz, amma zamanla oturaq hamısı yeirən, öz üzərinizdə işləsəniz əlbət.
