Azərbaycanlı oyunçular üçün əla xəbərimiz var!
Bir çox ölkədə xidmət göstərən GeForce Now kuponları artıq Azərbaycanda da əlçatan olub!

GeForce Now nədir?
GeForce Now, Nvidia şirkəti tərəfindən təsis edilmiş və "Bulud Oyun" (Cloud Gaming) həlli təklif edən bir xidmətdir. GeForce Now vasitəsilə, Nvidia-nın sürətli və güclü serverlərinə qoşularaq, yüksək qrafika və yüksək keyfiyyətdə oyun oynaya bilərsiniz.

Bulud oyun nədir?
Əgər kompüterinizin parametrləri zəifdirsə və istədiyiniz oyunu oynaya bilmirsinizsə, bulud oyun həlli ilə siz məlumat mərkəzində yerləşən ekran kartlı serverlərə qoşularaq oynamaq istədiyiniz oyunu oynaya bilərsiniz. Beləliklə, yüksək parametrli kompüter üçün əlavə pul xərcləməyinizə ehtiyac qalmır.
Bulud oyun üçün minimal tələblər:
Bulud oyun üçün tələblər çox sadədir! Sadəcə 15 Mbps sürətli internet və cihaz (kompüter, telefon, planşet və s.) kifayətdir.
Mənfi cəhətlər:
"Müsbət cəhətlərdən danışdıq, bəs mənfi cəhətlər nədir?" deyə düşünə bilərsiniz. Hal-hazırda GeForce Now-un mənfi cəhəti Azərbaycanda deyil, Ermənistanda yerləşən serverlər üzərindən xidmət göstərməsidir. Bu isə o deməkdir ki, siz Ermənistanda yerləşən serverlər üzərində oynayırsınız və çəkinti (ping) dəyəri tövsiyə olunan dəyərdən təxminən iki qat yüksək olur.
Alternativ xidmətlər:
Əlbəttə, GeForce Now-a alternativ xidmətlər də mövcuddur! Hal-hazırda Boosteroid, Shadow, Amazon Luna, Xbox Cloud Games, PlayStation Cloud kimi şirkətlər bulud oyun xidmətləri təklif etsələr də, onların Azərbaycanda serverləri mövcud deyil. Lakin Azərbaycan, Türkiyə və digər ölkələrdə fəaliyyət göstərən Brolve, Azərbaycanda və bir sıra digər ölkələrdə bulud oyun xidmətini aktivləşdirmək üçün işlər aparır.